“სანდრო გირგვლიანის მკვლელობის დღეს მერაბიშვილები და ახალაიები მარტივ მამრავლებად შლიან და ინაწილებენ “ერთიან ნაციონალურ მოძრაობას”- წერს სოციალურ ქსელში “ხალხის ძალის” წევრი ზურაბ ქადაგიძე.
ქადაგიძე აღნიშნავს, რომ ბუმერანგივით დაუბრუნდა მიხეილ სააკაშვილს საკუთარი მოძალადე სისტემა.
“ისე რა ნიშანდობლივია არა? სანდრო გირგვლიანის მკვლელობის დღეს, მერაბიშვილები და ახალაიები მარტივ მამრავლებად იშლიან და ინაწილებენ საქართველოს ისტორიაში ყველაზე ბოროტ მოვლენას-“ერთიან ნაციონალურ მოძრაობას”… ბუმერანგივით დაუბრუნდა მიხეილ სააკაშვილს საკუთარი მოძალადე სისტემა, როგორც მართავდა პროცესებს ზუსტად იმავე მეთოდებით ჯერ გარიყეს, გაამარგინალეს და თავზე გადაახიეს საკუთარი პარტია… ერთიანი ნაციონალური მოძრაობა მერაბიშვილ-ახალაიებს ებარებოდეთ…”-წერს ზურაბ ქადაგიძე.
