ლიეტუვის საგარეო საქმეთა მინისტრმა, კიასტუტის ბუდრისმა განაცხადა, რომ ევროკავშირმა საქართველოს წინააღმდეგ სასანქციო რეჟიმი უნდა გააძლიეროს.
„ჩვენი მხრიდან უნდა ვიმოქმედოთ სანქციებით, გავაძლიეროთ ზეწოლა რეჟიმზე, პოლიტიკური იზოლაციისა და სამოქალაქო საზოგადოების მხარდაჭერის გაზრდით. ჩვენ ვხედავთ, რომ ხალხის აბსოლუტურ უმრავლესობას სურს საქართველო ევროკავშირის ნაწილი იყოს. მე ვხედავ იმასაც, რომ ლიეტუველების 60%-ზე მეტს სურს საქართველო ევროკავშირში იხილოს. ორივე მხრიდან ვალდებულებებია.
საქართველოს მხრიდან ვალდებულებებია დააკმაყოფილოს ადამიანის უფლებების სტანდარტები და ვალდებულებებია ევროპული სახელმწიფოებიდან დაეხმაროს საქართველოს ამ გზაზე. ასე უნდა გავაგრძელოთ“, – თქვა ბუდრისმა ბრიუსელში ევროკავშირის საგარეო საქმეთა მინისტრების შეხვედრის დაწყებამდე.
