ლატვიის საგარეო საქმეთა მინისტრის საპარლამენტო მდივნის, არტიომს უშულსკისის განცხადებით, ოფიციალური რიგა ღრმად წუხს საქართველოში შექმნილი პოლიტიკური სიტუაციის გამო.
„55 ადამიანი დავამატეთ სანქცირებულთა რიცხვს. ღრმად ვწუხვართ საქართველოში პოლიტიკური სიტუაციის გამო. ჩვენ შევეცდებით რაც შეიძლება დიდი მხარდაჭერის მიღებას ევროპელი პარტნიორების მხრიდან, რადგან მხოლოდ საერთო, ძლიერი პოზიცია იმუშავებს. ჩვენ გვაქვს კომუნიკაცია სხვებთანაც, გვყავს საერთო აზრზე მყოფი ქვეყნების ჯგუფი, რაც საკმაოდ დიდია და იმედი გვაქვს, რომ გვეყოლება მეტი პარტნიორი“, – თქვა უშულსკისმა ბრიუსელში ევროკავშირის საგარეო საქმეთა მინისტრების შეხვედრის დაწყებამდე.
