საქართველოს იუსტიციის მინისტრი ანრი ოხანაშვილი არაბთა გაერთიანებული საამიროების იუსტიციის მინისტრს, აბდულა ალ ნუაიმის შეხვდა.
დუბაიში, მსოფლიოს მთავრობათა სამიტის ფარგლებში გამართულ შეხვედრაზე, მხარეებმა ორი ქვეყნის იუსტიციის სამინისტროების საქმიანობის სპეციფიკაზე, არსებულ თანამშრომლობასა და სამომავლო გეგმებზე ისაუბრეს.
ყურადღება გამახვილდა საქართველოსა და გაერთიანებულ საამიროებს შორის კიბერუსაფრთხოების, სერვისებზე ხელმისაწვდომობისა და ხელოვნური ინტელექტის სფეროში ურთიერთთანამშრომლობის გაღრმავების პერსპექტივებზე.
