როგორც პოლიტსაბჭოს წევრებისთვის, ასევე საპარლამენტო უმრავლესობის წევრებისთვის ძალიან მნიშვნელოვანი იყო უშუალოდ პარტიის საპატიო თავმჯდომარისგან, ბატონი ბიძინა ივანიშვილისგან მოესმინათ მისი შეხედულებები კონკრეტულ საკითხებთან დაკავშირებით, – განაცხადა „ქართული ოცნების“ ოფისში გამართულ ბრიფინგზე პარტიის თავმჯდომარემ ირაკლი კობახიძემ.
კობახიძემ აღნიშნა, რომ ორივე შეხვედრაზე განიხილეს როგორც საგარეო, ისე საშინაო მიმდინარე პოლიტიკური საკითხები.
„როგორც პოლიტსაბჭოს წევრებისთვის, ასევე საპარლამენტო უმრავლესობის წევრებისთვის ძალიან მნიშვნელოვანი იყო უშუალოდ პარტიის საპატიო თავმჯდომარისგან, ბატონი ბიძინა ივანიშვილისგან მოესმინათ მისი შეხედულებები კონკრეტულ საკითხებთან დაკავშირებით. ორივე შეხვედრა წარიმართა დისკუსიის ფორმატით, ძალიან საინტერესოდ. ეს არის ის, რაც განხილული იყო როგორც ერთ, ისე მეორე შეხვედრაზე.
რაც შეეხება პარტიის პოლიტიკურ საბჭოს, როგორც მოგეხსენებათ, პარტიის წესდების თანახმად, ჩვენ გვაქვს პოლიტსაბჭოს გაფართოების საშუალება და მიღებულია გადაწყვეტილება საპარლამენტო უმრავლესობის ლიდერის, ბატონი ირაკლი კირცხალიას და ასევე აჭარის მთავრობის თავმჯდომარის, ბატონი ზურაბ პატარაძის პოლიტიკური საბჭოს შემადგენლობაში შეყვანის თაობაზე“, – განაცხადა კობახიძემ.
