სინდისის პატიმრებად მოიხსენიებენ კონკრეტულ ადამიანებს, ვინც ნამდვილად არ არიან. მაგალითად ნიკა გვარამიას სტრასბურგიდან აქვს გაკეთებული განცხადება, სინდისის პატიმრებად ჰყავს მოხსენიებული 5 ადამიანი, რომელთაგან სამმა აღიარა დანაშაული, ხოლო ორზე კანონიერ ძალაში შესული სასამართლო განაჩენი არსებობს, – განაცხადა იურიდიულ საკითხთა კომიტეტის თავმჯდომარემ, არჩილ გორდულაძემ.
მისივე თქმით, ანალოგიურია „ლელოს“ შემთხვევაშიც.
„როდესაც იტყვიან კონკრეტულ ადამიანებზე, რომ ისინი პოლიტპატიმრები არიან, არ უნდა შეედავო, რადგან ასე სწამთ. ერთ-ერთი აქტივისტი „გამჭვირვალობის“ კანონზე ამბობდა, რომ ტანით ვგრძნობ, რუსულიაო. გუშინ ამბობდნენ, რომ მათ სწამთ, რომ მათი დაორგანიზებული აქციები ძალადობრივი არ იყო. ერთი არის მართი რწმენა და ტანით გრძნობა და მეორეა ფაქტები, რომ ძალადობრივია აქცია, როდესაც პიროტექნიკას და „მოლოტოვის კოქტეილს“ ისვრი“, – აღნიშნა არჩილ გორდულაძემ.









