თბილისის მერი კახა კალაძე პატიმრობაში მყოფ ელენე ხოშტარიას გამოჯანმრთელებას უსურვებს.
„ელენე ხოშტარიას მინდა მალე გამოჯანმრთელება ვუსურვო. დარწმუნებული ვარ, შესაბამისი პენიტენციური სამსახური ყველაფერს გააკეთებს იმისთვის, რომ ყველა პატიმრის ჯანმრთელობის მდგომარეობა იყოს მოწოდების სიმაღლეზე“, – აცხადებს კალაძე.
სპეციალური პენიტენციური სამსახურის ინფორმაციით, ელენე ხოშტარიას დიაგნოზის აბსოლუტური უმეტესობა წარმოადგენს ქრონიკულ დაავადებებს, რომელთათვისაც დამახასიათებელია პერიოდული გამწვავება. უწყების განმარტებით, სამედიცინო პერსონალთან ჩივილებს და უკმაყოფილებას არ აფიქსირებს. უზრუნველყოფილია ყველა საჭირო სამედიცინო მომსახურებით. ჯანმრთელობის მდგომარეობის რაიმე სახით ან ფორმით გაუარესება არ მომხდარა.
