პარლამენტის პლენარული სხდომა დღეს საგარეო საქმეთა მინისტრის, მაკა ბოჭორიშვილის ინტერპელაციით დაიწყება.
საგარეო უწყების ხელმძღვანელის ინტერპელაციის ფორმატით მოსმენა ფრაქციამ „საქართველოსთვის“ მოითხოვა. მათ მინისტრს 19 კითხვა გაუგზავნეს.
კითხვები ძირითადად საქართველო-ევროკავშირის ურთიერთობებს ეხება.
მმართველი გუნდის წევრები დარწმუნებულები არიან, რომ პოპულისტურ კითხვებს მინისტრი სრულყოფილ და დამაჯერებელ პასუხს გასცემს.
