„ტერიტორიული მთლიანობა და სუვერენიტეტი საერთაშორისო სამართლის ფუნდამენტური პრინციპებია. ისინი არსებითად მნიშვნელოვანია ევროპისა და მთლიანად საერთაშორისო თანამეგობრობისთვის“- ამის შესახებ ევროკაშირის საბჭოს პრეზიდენტი, ანტონიო კოშტა X-ზე წერს.
პრეზიდენტი დონალდ ტრამპის განცხადებას გამოეხმაურა გრენლანდიის გამო ევროპული ქვეყნების ნაწილის მიმართ ტარიფების დაწესების თაობაზე და აღნიშნა, რომ ეს ტრანსატლანტიკურ ურთიერთობებს დააზიანებს.
„ჩვენ არაერთხელ გავუსვით ხაზი არქტიკაში მშვიდობისა და უსაფრთხოებისადმი ჩვენს საერთო ტრანსატლანტიკურ ინტერესს, მათ შორის ნატო-ს ფარგლებში. წინასწარ კოორდინირებული დანიური წვრთნა, რომელიც მოკავშირეებთან ერთად ჩატარდა, პასუხობს არქტიკული უსაფრთხოების გაძლიერების საჭიროებას და არავისათვის საფრთხეს არ წარმოადგენს. ევროკავშირი სრულ სოლიდარობას უცხადებს დანიას და გრენლანდიის მოსახლეობას. დიალოგი კვლავ აუცილებელია და ჩვენ ვალდებულნი ვართ, გავაგრძელოთ დანიის სამეფოსა და აშშ-ს შორის გასულ კვირას დაწყებული პროცესი.
ტარიფების შემოღება ტრანსატლანტიკურ ურთიერთობებს შეარყევს და სახიფათო დაღმავალი სპირალის რისკს შექმნის. ევროპა ერთიანი, კოორდინირებული და თავისი სუვერენიტეტის დაცვის ერთგული დარჩება.”- წერს კოშტა.
https://x.com/eucopresident/status/2012608773223858602?s=46&t=2n6450-rN_L9bkkExyI1Iw
