აშშ-ის საზოგადოებრივი მაუწყებლობის კორპორაცია ფედერალური დაფინანსების შეჩერების გამო მუშაობას წყვეტს. ინფორმაციას კორპორაცია ავრცელებს.
კორპორაციის განცხადებით, თანამშრომლების უმეტესობას სექტემბრის ბოლომდე გაათავისუფლებენ. 2026 წლის იანვრის ბოლომდე სამუშაო პროცესების დასასრულებლად კი თანამშრომლების მცირე ჯგუფი იმუშავებს.
ცნობისთვის, მაისში აშშ-ის პრეზიდენტმა, დონალდ ტრამპმა აღმასრულებელი ბრძანება გამოსცა, რომლითაც კორპორაციას, რომელიც საზოგადოებრივი მაუწყებლობის სამსახურისა და ეროვნული საზოგადოებრივი რადიოსთვის თანხებს ანაწილებს, მათთვის დაფინანსების შეწყვეტა დაავალა.
