გარემოს ეროვნული სააგენტო მოსახლეობას უახლოეს დღეებში ტემპერატურის 41 გრადუსამდე მომატების შესახებ აფრთხილებს.
„27-31 ივლისს დასავლეთ საქართველოს დაბლობ და მთიან რაიონებში, ხოლო 29-31 ივლისს აღმოსავლეთ საქართველოს ბარსა და მთაში ზოგან მოსალოდნელია ჰაერის ტემპერატურის მომატება 38-41 გრადუსამდე.
მოსალოდნელი მაღალი ტემპერატურა სითბური სტრესისა და ტყის ხანძრების რისკის ხელშემწყობ პირობას წარმოადგენს (საფრთხის დონე საშუალო)”, – იუწყება გარემოს ეროვნული სააგენტო.
