აშშ-ის მიერ უკრაინისთვის იარაღის მიწოდების შეჩერებას ქვეყნის უმაღლესი რადის ეროვნული უსაფრთხოებისა და თავდაცვის კომიტეტის წევრი, ფიოდორ ვენისლავსკი გამოეხმაურა და მას ძალიან უსიამოვნო უწოდა. ინფორმაციას Reuters-ი ავრცელებს.
„ეს მტკივნეულია, და იმ ფონზე, როცა რუსეთი უკრაინის წინააღმდეგ ტერორისტულ აქტებს ახორციელებს, ეს ძალიან უსიამოვნო ვითარებაა“, – აღნიშნა ვენისლავსკიმ.
ამასთან ერთად, ერთ-ერთმა წყარომ უკრაინიდან სააგენტოს განუცხადა, რომ კიევი 155-მილიმეტრიანი საარტილერიო ჭურვების დეფიციტს განიცდის. მისი თქმით, აშშ-ის მიერ იარაღის მიწოდების შეჩერება „ძალიან სამწუხაროა“.
