ჩინეთის მთავრობა აშშ-ის პრეზიდენტის, დონალდ ტრამპის ჩინური პროდუქციისთვის დამატებითი ტარიფების დაწესების საპასუხოდ ამერიკულ საქონელზე საპასუხო გადასახადებს დააწესებს. ინფორმაციას CNN-ი ავრცელებს.
ამერიკული ტელეარხის ცნობით, ჩინეთი 15-პროცენტიან ტარიფებს დააწესებს აშშ-დან იმპორტირებულ ქათამზე, ხორბალზე, სიმინდსა და ბამბაზე.
10-პროცენტიანი ტარიფი დაუწესდება ამერიკულ სორგოზე, სოიაზე, ღორისა და საქონლის ხორცზე, წყალზე, ხილზე, ბოსტნეულსა და რძის ნაწარმზე.
ცნობისთვის, ტრამპის გადაწყვეტილებით, დღეიდან აშშ ჩინურ, მექსიკურ და კანადურ საქონელზე 20-პროცენტიან ტარიფს აწესებს.
