გაერთიანებული სამეფოს პრემიერ-მინისტრის, კირ სტარმერის განცხადებით, ბრიტანეთი მზადაა უკრაინაში ნებისმიერი სამშვიდობო შეთანხმების აღსასრულებლად ჯარები განათავსოს. ინფორმაციას The Telegraph-ი ავრცელებს.
„გაერთიანებული სამეფო მზად არის წამყვანი როლი შეასრულოს უკრაინის უსაფრთხოების გარანტიებზე მუშაობის დაჩქარებაში. ეს მოიცავს უკრაინის არმიის შემდგომ მხარდაჭერას. ჩვენ უკვე ავიღეთ ვალდებულება წელიწადში 3 მილიარდი ფუნტის უზრუნველყოფაზე მინიმუმ 2030 წლამდე, მაგრამ ეს ასევე ნიშნავს მზადყოფნას, შევიტანოთ წვლილი უკრაინის უსაფრთხოების გარანტიებში საჭიროების შემთხვევაში ადგილზე საკუთარი ჯარების განთავსებით“, – ციტირებს გამოცემა სტარმერს.
