სენატმა, ხმათა მცირე უპირატესობით, პენტაგონის ხელმძღვანელი პოსტზე Fox News-ის ყოფილი წამყვანი, პიტ ჰეგსეტი დაამტკიცა. ინფორმაციას Reuters ავრცელებს.
გამოცემა აღნიშნავს, რომ ჰეგსეტის კანდიდატურასთან დაკავშირებით დემოკრატებისა და რამდენიმე რესპუბლიკელის მხრიდან მწვავე წინააღმდეგობის შემდეგ ეს დონალდ ტრამპისთვის მნიშვნელოვანი გამარჯვებაა.
კენჭისყრის დროს სენატში ხმები თანაბრად გაიყო, თუმცა გადამწყვეტი ამ სიტუაციაში აშშ-ის ვიცე-პრეზიდენტის ჯეიმს ვენსის ხმა იყო. ტრამპი პიტ ჰეგსეტს ახასიათებს, როგორც ჭკვიან, მყარ ადამიანად, რომელიც იზიარებს პრინციპს „ამერიკა უპირველეს ყოვლისა“.
ტელეარხს Fox News-ის ყოფილი წამყვანი და არმიის ვეტერანი პენტაგონის მუშაობაში მნიშვნელოვანი ცვლილებების შეტანას აპირებს, თუმცა, მისი მუშაობა გაძლიერებული ყურადღების ქვეშ იქნება, არსებობს კითხვები მის კვალიფიკაციასთან დაკავშირებით.
პენტაგონის ბიუჯეტი 1 ტრილიონი დოლარია. ჰეგსეტმა კანონმდებლებს აცნობა, რომ ყველაზე დიდი ჯგუფი, რომელსაც ის მართავდა, 100 ადამიანისგან შედგებოდა, ხოლო ყველაზე დიდი ბიუჯეტი 16 მილიონი დოლარი იყო.
44 წლის ჰეგსეტს გავლილი აქვს სამხედრო სამსახური აშშ-ს ბაზაზე გუანტანამოზე. იგი ასევე მსახურობდა ერაყსა და ავღანეთში.
ტრამპმა სენატს ახალი მინისტრების კანდიდატურები დასამტკიცებლად 21 იანვარს წარუდგინა.
