ესპანეთის საკალათბურთო ჩემპიონატში გიორგი შერმადინმა უმაღლეს დონეზე კიდევ ერთი შეხვედრა ჩაატარა. მე-15-ე ტურში „ლაგუნა ტენერიფემ“ საკუთარ დარბაზში „ბილბაო“ 11-ქულიანი სხვაობით, 86:75 დაამარცხა. მასპინძლების 35 წლის ქართველმა ლეგიონერმა კი, 23 წუთში 16 ქულა, 5 მოხსნა და 1 დაფარება დააგროვა. შერმადინმა რვიდან შვიდი ორქულიანი და ორიდან ორი საჯარიმო ჩააგდო.
მომდევნო ტურში „ლაგუნა ტენერიფე“ 12 იანვარს, სტუმრად მადრიდის „რეალთან“ ითამაშებს.
