შინაგან საქმეთა მინისტრის მოადგილის ალექსანდრე დარახველიძის განცხადებით, ბოლო პერიოდში აქციის მონაწილეთა მხრიდან განხორციელებული ძალადობრივი ქმედებების შედეგად, აქციების მიმდინარეობისას 150-ზე მეტი პოლიციელი დაშავდა.
ალექსანდრე დარახველიძემ უწყებაში გამართულ ბრიფინგზე დაშავებული სამართალდამცველების ფოტოსურათიც წარმოადგინა.
მინისტრის მოადგილის თქმით, სამწუხაროა რომ ძალადობის დაგმობას ცალმხრივი ხასიათი აქვს.
„სამწუხაროდ მხოლოდ იმ ადამიანების ფოტოები ვრცელდება ვინც აქციის დროს დაშავდნენ და არ ვრცელდება იმ პოლიციელების ფოტოები, რომლებიც დღე და ღამე შრომობენ, რომ ჩვენმა საზოგადოებამ მშვიდად იცხოვროს და წარმოიდგინეთ როგორია პოლიციელისთვის, რომ შენს გვერდით დგას შენი თანამებრძოლი და მას პიროტექნიკა ან ქვა ეცემა და ამ დროს ინტენსიურ ცეცხლს უშენს პოლიციელებს აქციის მონაწილე. ეს რომანტიზებულია და აქებენ ასეთ საქციელს. რა თქმა უნდა ეს ძალიან ცუდია და დასაგმობია, როგორც პოლიციების მხრიდან ძალადობაა დასაგმობი ასევე აქციის მონაწილეების მხრიდან ძალადობაა დასაგმობი და ამ შემთხვევაში ყველამ უნდა გავაკეთოთ ჩვენი საქმე”, – განაცხადა ალექსანდრე დარახველიძემ.
