„ნაციონალური მოძრაობა“ პარლამენტში გაზრდილ ბიუჯეტს რომ ანაწილებდა, თუ ეკონომიკა ჩამოშლილია და თუ მართლა სჯერათ იმის,რასაც იტყუებიან, მაშინ ბიუჯეტი როგორ გაიზარდა? – განაცხადა პარლამენტის თავმჯდომარის მოადგილემ არჩილ თალაკვაძემ „იმედი live”-ში.
მისი თქმით, ეკონომიკა რომ ჩამოშლილია, ეს არის „ნაციონალური მოძრაობის“ ერთერთი სასურველი სცენარი, მაგრამ საბედნიეროდ სიცრუეა.
„თუ ეკონომიკა ჩამოშლილია, „ნაციონალური მოძრაობა“ პარლამენტში გაზრდილ ბიუჯეტს რომ ანაწილებდა, გახსოვთ ალბათ ყველას, რჩევებით რომ მოვიდნენ, ამდენი აქ წავიღოთ, ამდენი მილიონი აქ გავანაწილოთ, ამდენი ამას დავუთმოთ, ამდენი იმას, თუ ეკონომიკა ჩამოშლილია და თუ მართლა სჯერათ იმის,რასაც იტყუებიან, მაშინ ბიუჯეტი როგორ გაიზარდა და თუ ბიუჯეტის გაზრდის არ სჯერათ, მაშინ პარლამენტში რაღას გვეკამათებოდნენ და მოდიოდნენ ბრტყელი წინადადებებით?“ – განაცხადა არჩილ თალაკვაძემ.
