ირაკლი ღარიბაშვილი და ირაკლი კობახიძე თანამდებობებს გაცვლიან. „იმედისთვის“ ექსკლუზიურად გახდა ცნობილი, რომ ეს გადაწყვეტილება 24 იანვარს გამართულ „ქართული ოცნების“ პოლიტსაბჭოს სხდომაზე მიიღეს.
პოლიტსაბჭოზე გადაწყდა, რომ 1-ელ თებერვალს პარტიის ყრილობა გაიმართება და სამთავრობო ცვლილებებთან დაკავშირებული საკითხებიც სწორედ იქ დამტკიცდება.
პრემიერ-მინისტრის თანამდებობასთან ერთად, ირაკლი კობახიძე პარტია „ქართული ოცნების“ პოლიტიკური მდივანიც გახდება. ეს თანამდებობა ამჟამად ირაკლი ღარიბაშვილს აქვს დაკავებული.
