15 ოქტომბერს პოლონეთში საპარლამენტო არჩევნები გაიმართება, რომელსაც „ქართული ოცნების“ დეპუტატები: მაკა ბოჭორიშვილი, ნიკოლოზ სამხარაძე და გივი მიქანაძე დააკვირდებიან.
საქართველოს პარლამენტის ევროპასთან ინტეგრაციის კომიტეტის თავმჯდომარე, მაკა ბოჭორიშვილი და საგარეო ურთიერთობათა კომიტეტის თავმჯდომარე ნიკოლოზ სამხარაძე, არჩევნებს ქალაქ კრაკოვში დააკვირდებიან, როგორც ეუთოს საპარლამენტო ასამბლეის წარმომადგენლები საერთაშორისო ორგანიზაციიდან.
ხოლო, საქართველოს პარლამენტის განათლების და მეცნიერების კომიტეტის თავმჯდომარე, გივი მიქანაძე, არჩევნების დამკვირვებელი ქალაქ ვარშავაში, ევროპის საბჭოს საპარლამენტო ასამბლეის წარმომადგენლის რანგში იქნება.
