საფრანგეთში საპროტესტო აქციებზე დაკავებულთა რიცხვი გაიზარდა. შინაგან საქმეთა სამინისტროს ინფორმაციით, დაკავებულია დაახლოებით 2400 ადამიანი. მანიფესტანტებსა და სამართალდამცველებს შორის დაპირისპირების შედეგად დაშავებულია ათასზე მეტი პოლიციელი და ჟანდარმი. 7 მათგანის მდგომარეობა კრიტიკულია.
პარიზის პროკურატურამ გამოძიება დაიწყო ერთი დემონსტრანტის გულის შეტევით გარდაცვალებასთან დაკავშირებით.
მასობრივი არეულობები პარიზსა და საფრანგეთის დიდ ქალაქებში რამდენიმე დღეა გრძელდება. აქციის მონაწილეებმა შენობებს ცეცხლი წაუკიდეს და სავაჭრო დაწესებულებები გაძარცვეს.
