უფლებადამცველი ბაია პატარაია ილია ჭავჭავაძის მკვლელობის გარემოებებზე სოციალურ ქსელში წერს და საზოგადოებაში დამკვიდრებულ ვერსიას ეხმაურება, რომლის თანახმადაც ილიამ თავდამსხმელებს უთხრა: „ილია ვარ, არ მესროლოთ“.
პატარაიას თქმით, ილია ჭავჭავაძის ბოლო სიტყვები მეეტლისადმი მიმართული – „მიდი, გარეკე“ – ყოფილა. ამ სიტყვებით იგი მეეტლეს ცხენების გაჭენებისა და თავდამსხმელებისგან თავის დაღწევისკენ მოუწოდებდა, თავად კი მათგან რევოლვერით იცავდა თავს.
„როცა პირველად გავიგე, რომ ილიას მისი მოკვლის დროს არ უთქვამს: „ილია ვარ, არ მესროლოთ“, პატარა შოკი მქონდა. ილიას ბოლო სიტყვები კი „მიდი, გარეკე“ ყოფილა – მეეტლეს მიმართა, რომ ცხენები თავდამსხმელებისგან შორს გაეჭენებინა, თავად კი რევოლვერით იცავდა თავს. მეეტლე მკვლელებთან შეკრული მოღალატე აღმოჩნდა.
საბჭოთა იაფფასიანი რომანტიზმი უნდა ჩამოვირეცხოთ და უნდა ვიცოდეთ სიმართლე!“ – წერს ბაია პატარაია.
იგი მადლობას უხდის მათ, ვინც ისტორიულ წყაროებს იკვლევს და საზოგადოებას წარსულის ნაკლებად ცნობილ დეტალებს აცნობს.
