ოპოზიციური პარტიების ლიდერები ამერიკის შეერთებული შტატების სახელმწიფო მდივნის თანაშემწის მოადგილეს შეხვდნენ.
„საქართველოს ეროვნული ინტერესებისთვის, უსაფრთხოებისთვის, თავისუფლებისთვის და დამოუკიდებლობისთვის, მშვიდობისთვის და ეკონომიკური კეთილდღეობისთვის შეერთებული შტატები არის საკვანძო და შეუცვლელი სტრატეგიული პარტნიორი. ჩემთვის – „ფედერალისტებისთვის“, ოპოზიციური ალიანსისთვის, რომლის წევრი ვარ, მნიშვნელოვანია ამ კონტაქტების ქონა და მნიშვნელოვანი იყო ეს შეხვედრა“, – აღნიშნა „ფედერალისტების“ ლიდერმა გიგა ბოკერიამ ჟურნალისტებთან.
ოპოზიციასთან შეხვედრამდე სახელმწიფო მდივნის თანაშემწის მოადგილე პრემიერ-მინისტრს შეხვდა.
