რუსეთმა ცეცხლის შეწყვეტის საკითხი, ზოგიერთი სანქციის მოხსნის სანაცვლოდ, შეიძლება წინ წამოსწიოს, – განცხადება უკრაინის პრეზიდენტმა, ვოლოდიმირ ზელენსკიმ გამოცემა „ბლუმბერგთან“ ინტერვიუში გააკეთა.
ვოლოდიმირ ზელენსკის თქმით, აქვს ინფორმაცია, რომ რუსები SWIFT-ის სანქციების გაუქმების საკითხს აყენებენ.
უკრაინის პრეზიდენტი გამოცემასთან კრემლის მიერ 9 მაისისთვის დაანონსებულ ზავსაც გამოეხმაურა და განაცხადა, რომ მოსკოვს ერთდღიანი ან რამდენიმედღიანი ცეცხლის შეწყვეტა უკრაინის შესაძლო თავდასხმებისგან 9 მაისის აღლუმის დასაცავად სურს.
