როდესაც ბიძინა ივანიშვილი პოლიტიკაში მოვიდა, მისი დეკლარაცია სრულად გამოქვეყნდა, მან შეავსო მისი ქონების, ფინანსების წარმოშობა, – განაცხადა საქართველოს პარლამენტის თავმჯდომარემ შალვა პაპუაშვილმა ტელეკომპანია „იმედის“ გადაცემაში „ღია ეთერი – დებატები“.
„ბიძინა ივანიშვილის მიერ დაფუძნებული პარტია სრულად არის გამჭვირვალე“, – აღნიშნა შალვა პაპუაშვილმა.
პოლიტიკური ჯგუფის, „გირჩის“ წევრი, ალექსანდრე რაქვიაშვილი დაინტერესდა, რამდენი დახარჯა ბიძინა ივანიშვილმა ბოლო წელს პარტია „ქართული ოცნების“ დაფინანსებაში, რაზეც პაპუაშვილმა განაცხადა – არაფერი.
„არაერთხელ გვითქვამს, რომ „ქართული ოცნება“ თავისი შემოწირულობით არის სრულად თვითკმარი და ზედმეტი ჩარევები თუ დახმარებები არ სჭირდება“, – აღნიშნა შალვა პაპუაშვილმა.
