სამართალდამცველებმა კონსტიტუციური უსაფრთხოების დეპარტამენტის სამეგრელო -ზემო სვანეთის რეგიონული მთავარი სამმართველოს ყოფილი უფროსი, რუსლან შამახია დააკავეს. მას იარაღის უკანონო შეძენა-შენახვას ედავებიან.
„მისი დაკავების ფაქტს გიდასტურებთ. გამოძიება მიმდინარეობს 236-ე მუხლით, რაც იარაღის უკანონო შეძენა-შენახვას გულისხმობს. ახლაც მიმდინარეობს ღონისძიება. დეტალები მოგვიანებით გახდება ცნობილი”, – აღნიშნა შინაგან საქმეთა მინისტრის მოადგილე ალექსანდრე დარახველიძემ დღეს გამართულ ბრიფინგზე, ჟურნალისტის კითხვის პასუხად.
