პუტინი აქ საერთოდ არ გამოიყურება იზოლირებულად! – ასე აფასებს ეროვნული უშიშროების საკითხებში პრეზიდენტ დონალდ ტრამპის ყოფილი მრჩეველი, გენერალი მაიკლ ფლინი, შანხაის თანამშრომლობის ორგანიზაციის სამიტზე გადაღებულ ფოტოს, სადაც რუსეთის პრეზიდენტი, ვლადიმერ პუტინი, სხვადასხვა ქვეყნის ლიდერთან ერთადაა.
მისი განცხადებით, აშშ-მა არსებული ვითარებიდან გამოსავალი სწრაფად უნდა იპოვოს, ხოლო, თუ ევროკავშირს არეულობას სურს, მას ამის გაკეთების საშუალება უნდა მიეცეს.
“პუტინი აქ საერთოდ არ გამოიყურება იზოლირებულად!
გულწრფელად რომ ვთქვა, სიტყვები არ მყოფნის უკრაინაში ამ წაგებული „ომის“ შესახებ.
ყველა ბრწყინვალე ნეოკონი და გეოპოლიტიკური მრჩეველი, რომელიც დონალდ ტრამპს უბიძგებს, გააკეთოს ზუსტად საპირისპირო იმისა, რაც უნდა გააკეთოს, ამერიკას ისეთ ომში ჩაითრევს, რომელიც არ გვჭირდება, ომში, რომლის საშუალებაც არ გვაქვს და ომში, რომელიც შეიძლება ძალიან ცუდად დასრულდეს მთელი მსოფლიოსთვის.
თუ ევროკავშირს სურს ეს არეულობა, მიეცით საშუალება, რომ ეს გააკეთონ.
უკრაინამ მხოლოდ ბოლო სამი წლის განმავლობაში უკვე 1.5 მილიონზე მეტი დაკარგა. ევროპელი ლიდერების მხრიდან მეტი მკვლელობა, მეტი სიკვდილი, მეტი ხარჯვა, მეტი თავხედობა და მეტი ქედმაღლობა, გამარჯვებას ვერ მოიტანს.
ამერიკის გუნდმა ამ არეულობიდან გამოსავალი უნდა იპოვოს და თან ძალიან მალე. ჩვენ, ხალხი, თქვენთან ვართ. მიიღეთ სწორი გადაწყვეტილება.” – წერს ფლინი X-ზე.
