იმერეთის რეგიონში ამ დროისთვის ექვსი სოფელია ჩაკეტილი. გაწმენდითი სამუშაოები აქტიურად მიმდინარეობს.
მუნიციპალიტეტებში მოსახლეობას საჭიროებისამებრ მიეწოდება პროდუქტი და პირველადი მოხმარების ნივთები.
„ამ დროისთვის ჩაკეტილია 6 სოფელი. ამ მიმართულებითაც მიმდინარეობს წმენდით სამუშაოები. გარდა ამისა, პრემიერ-მინისტრის გადაწყვეტილებით შექმნილია სპეციალური კომისია, რომელიც მოახდენს დიდთოვლობის გამო მოსახლეობაზე მიყენებული ზარალის შესწავლას. ორი დღის განმავლობაში ინტენსიურად მიმდინარეობს იმერეთის რეგიონში მოსახლეობისათვის პროდუქტებისა და საჭირო ნივთების მიწოდება“, – აღნიშნა იმერეთში სახელმწიფო რწმუნებულის მოადგილემ ბესიკ გოფოძემ.
