თურმე „ნაცებს“ არ აწყობთ, რომ ტექნიკამ იმუშაოს. ერთ-ერთ ვიდეოში, სანამ Live-ი ჩაირთვებოდა წინასწარ გაეპარათ ხმა, რომ არ აწყობდათ ტექნიკის მუშაობა, – განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტიის აღმასრულებელმა მდივანმა მამუკა მდინარაძემ.
„რამდენიმე დღეა მანიპულაცია მიმდინარეობს ასეთ თემებთან დაკავშირებით. წარმოუდგენელი ამბავი ხდება იმიტომ, რომ აქაც კი იქნება რაღაცას გამორჩნენ მავნებლობასთან დაკავშირებით, რაც ძალიან სამწუხაროა. გუშინდელი ერთი ვიდეოც მოწმობდა ამას, რომ თურმე „ნაცებს“ არ აწყობთ, რომ იმუშაოს ტექნიკამ. ნახეთ თქვენ, როგორ გაეპარათ ერთ-ერთ ვიდეოში მათ ხმა, სანამ Live-ი ჩაირთვებოდა წინასწარ გაეპარათ ხმა, რომ არ აწყობდათ ტექნიკა რომ მუშაობს. ეს არის მათი სახე, მაგრამ არ გავაგრძელებ იმიტომ, რომ ახლა ამის დრო ნამდვილად არ არის. ახლა არის ხელჩართული, ასე დავარქვათ, მუშაობის დრო იმასთან დაკავშირებით, რომ თითოეული ადამიანი გამოვიყვანოთ საჭიროების შემთხვევაში, მივაწოდოთ საჭირო მედიკამენტი და პროდუქტი,გაუწმინდოთ გზა, მივიდეთ დანიშნულების ადგილზე და ასე შემდეგ“, – განაცხადა მდინარაძემ.
„ის მუშაობს. არ გვაწყობს რომ მუშაობს“ – ნაცმოძრაობის ლიდერებს Facebook Live – ში სკანდალური ფრაზა გაეპარათ.
