რეალურად მათ სულიერების კრიზისი, კრეატიულობის, პოლიტიკურობის კრიზისიც აქვთ და იმ რიტუალმა, რომელიც სატანისტურ რიტუალს უფრო ჰგავდა, ეს ყველაფერი თვალნათელი კიდევ უფრო გახადა, – აცხადებს პარლამენტის თავმჯდომარის მოადგილე, ნინო წილოსანი,
„მაცხოვრის გამოსახულებით კუბოს დაწვა რა თქმა უნდა ქრისტიანული გრძნობების შეურაცხყოფაა. მერე გაუკვირდებათ, როცა ადამიანები განსაკუთრებით ნეგატიურად განეწყობიან მათ [აქციის ორგანიზატორების] მიმართ და არ იქნებიან მათი მხარდამჭერები. უზომოდ შემაშფოთებელი იყო ის მდგომარეობა, რასაც ვუყურებდით იქ [აქციაზე] მყოფი ადამიანების მხრიდან – აჟიტირებას კუბოს დაწვის რიტუალით. რეალურად მათ სულიერების კრიზისი, კრეატიულობის, პოლიტიკურობის კრიზისიც აქვთ და იმ რიტუალმა, რომელიც სატანისტურ რიტუალს უფრო ჰგავდა, ეს ყველაფერი თვალნათელი კიდევ უფრო გახადა“, – აღნიშნა წილოსანმა.
