ის, რომ მისი [კეზერაშვილის] სახლიდან მოხდა ამდენი იარაღის ამოღება, ძალიან მნიშვნელოვანი იყო იმისთვის, რომ კიდევ ერთხელ დაენახა საზოგადოებას, საიდან მომდინარეობს რეალური რესურსი, რომელიც საპროტესტო აქციას უდგას უკან, – განაცხადა საპარლამენტო უმრავლესობის წევრმა დავით კაჭარავამ.
„ის, რომ მისი [კეზერაშვილის] სახლიდან მოხდა ამდენი იარაღის ამოღება, ძალიან მნიშვნელოვანი იყო იმისთვის, რომ კიდევ ერთხელ დაენახა საზოგადოებას, ადამიანებს, ვინც გულწრფელად ფიქრობს, რომ აპროტესტებს რაღაცას, თუ საიდან მომდინარეობს რეალური რესურსი, რომელიც საპროტესტო აქციას უდგას უკან“, – აღნიშნა კაჭარავამ.
შსს-ს ცნობით, კეზერაშვილის სახლის ჩხრეკისას საცხოვრებელ ბინაში სამალავიდან ამოღებულია რამდენიმე ათეული არარეგისტრირებული ცეცხლსასროლი იარაღი, მაყუჩები, საბრძოლო ვაზნები, კომპიუტერული ტექნიკა და მეხსიერების ბარათი.
