პარტია „ლელოს“ ლიდერი ბადრი ჯაფარიძე არჩევნების სავარაუდო გაყალბების საქმეზე საქართველოს გენერალურ პროკურატურაში მოწმის სახით გამოკითხვაზე დაიბარეს.
ამაზე ბადრი ჯაფარიძემ სოციალურ ქსელში დაწერა. პოლიტიკოსი პროკურატურაში მისვლას არ აპირებს და გამოკითხვას სასამართლოში მოსამართლესთან გაივლის.
ცნობისთვის, პროკურატურა არჩევნების გაყალბების შესახებ ბრალდებებს იკვლევს, გრძელდება გამოკითხვებიც. პროკურორები კონკრეტულ ფაქტებს ითხოვენ, თუმცა, როგორც ამბობენ, ვერცერთმა დაკითხულმა პირმა მტკიცებულებები ჯერ ვერ წარმოადგინა.
