Euronews-Ipsos-ის გამოკითხვის თანახმად, მაშინ, როდესაც ევროპელი ამომრჩეველი ევროპარლამენტში ივნისის არჩევნებისთვის ემზადება, მხოლოდ ყოველ მეხუთე ამომრჩეველს სურს ბრიუსელისთვის ძლიერი უფლებამოსილების მინიჭება.
გამოკითხვის შედეგების თანახმად, გამოკითხულთა მხოლოდ 22%-ს სურს ევროკავშირისთვის უფრო ძლიერი უფლებამოსილების მინიჭება, ხოლო რესპონდენტთა 46% მხარს უჭერს საკუთარ ქვეყანაში გადაწყვეტილების მიღების პროცესის გაძლიერებას.
Euronews-ის დაკვეთით ჩატარებული გამოკითხვა, რომელიც 23 თებერვლიდან 5 მარტამდე პერიოდში ევროკავშირის 18 ქვეყანაში ჩატარდა და მასში მონაწილეობა 25.916-მა ადამიანმა მიიღო, წარმოადგენს პირველ გამოკითხვას ევროპულ დონეზე ევროპულ არჩევნებამდე, რომელიც 6-9 ივნისის პერიოდში გაიმართება.
Ipsos-ის მიერ ევროკავშირის 18 წევრ სახელმწიფოში ჩატარებული გამოკითხვა ცხადყოფს, რომ პროევროპული განწყობები ყველაზე ძლიერი პორტუგალიაშია, სადაც რესპონდენტთა 36% ნდობას უცხადებს ბრიუსელს, ხოლო საფრანგეთში გამოკითხულთა 63%-ს გადაწყვეტილებების საკუთარ ქვეყანაში მიღება ურჩევნია.
