„დღეს “ქართულმა ოცნებამ” რეკომენდაციის მე-10 პუნქტი ჩახურა, ხელი მოაწერა სამოქალაქო საზოგადოების ეროვნულ პლატფორმასთან თანამშრომლობის მემორანდუმს“-ამის შესახებ წერს ექსპერტი ნინო ფოჩხუა სოციალურ ქსელში.
ექსპერტის თქმით, მაშინ, როცა ქვეყნის მოღალატე პრეზიდენტი ძირს უთხრის ჩვენს ევროპულ მომავალს, ხელისუფლება არ ჩერდება, მუშაობს 12 რეკომენდაციის შესრულებაზე და თანდათან უახლოვდებიან ევროპულ მომავალს.
„მაშინ როცა ქვეყნის მოღალატე პრეზიდენტი ძირს უთხრის ჩვენს ევროპულ მომავალს, სოფიკო ჯაფარიძე, რკინის ქალამნებით, ლაშქრავს არამარტო რეგიონებს, ევროპასაც, სამოქალაქო აქტივისტთა ჯგუფი გადის ტრენინგებს “კანვასთან” და ამას ყველაფერს მელაძეები, გრიგოლიები და მიშველაძეები თოქ-შოუებს უძღვნიან, ჩვენი ხელისუფლება არ ჩერდება, მუშაობს 12 რეკომენდაციის შესრულებაზე და თანდათან უახლოვდებიან ევროპულ მომავალს.
დიახ, დღეს “ქართულმა ოცნებამ” რეკომენდაციის მე-10 პუნქტი ჩახურა, ხელი მოაწერა სამოქალაქო საზოგადოების ეროვნულ პლატფორმასთან თანამშრომლობის მემორანდუმს.
გილოცავთ!“-წერს ნინო ფოჩხუა.
