2 მარტი, შაბათი, 2024
2 მარტი, შაბათი, 2024

ლევან ჭოტორლიშვილი: სალომე ზურაბაშვილის განცხადება, რომ დიქტატორი გამსახურდია დაამარცხეს დემოკრატიულმა ძალებმა ჯაბა იოსელიანის და თენგიზ კიტოვანის მეთაურობით, ზუსტად ჯდება საბჭოთა ქართული ინტელიგენციის ნომენკლატურული ნაწილის მსოფლმხედველობაში

სალომე ზურაბაშვილის განცხადება, რომ დიქტატორი გამსახურდია დაამარცხეს დემოკრატიულმა ძალებმა, ჯაბა იოსელიანის და თენგიზ კიტოვანის მეთაურობით, ზუსტად ჯდება საბჭოთა ქართული ინტელიგენციის ნომენკლატურული ნაწილის მსოფლმხედველობაში – ამის შესახებ გერმანიაში მოღვაწე ქართველი ფიზიკოსი, პროფესორი ლევან ჭოტორლიშვილი სოციალურ ქსელში წერს.

როგორც ლევან ჭოტორლიშვილი აცხადებს, პრეზიდენტ ზურაბიშვილის მაგალითით დასტურდება, რომ ერი უფრო მეტია, ვიდრე სახელმწიფო. შესაბამისად, მისი განმარტებით, გასაკვირი აღარ არის, თუ რატომ იყო სალომე ზურაბიშვილის და პუტჩისტების მოსაზრებები თანხვედრაში 90-იან წლებში.

„სალომე ზურაბაშვილის განცხადება რომ დიქტატორი გამსახურდია დაამარცხეს დემოკრატიულმა ძალებმა ჯაბა იოსელიანის და თენგიზ კიტოვანის მეთაურობით, ზუსტად ჯდება საბჭოთა ქართული ინტელიგენციის ნომენკლატურული ნაწილის მსოფლმხედველობაში.
საოცარია, ადამიანი ვინც დაიბადა და გაიზარდა საფრანგეთში არის ზუსტად ისეთი როგორიც მისი თაობის და წრის წარმომადგენლები საქართველოში. ადრეც ვამბობდი და გავიმეორებ, ერი არის უფრო მეტი ვიდრე სახელმწიფო და ეს უხილავი ეროვნული ქსოვილი აერთიანებს ვაკელ პუტჩისტებს ლევილის სათვისტომოსთან.
მართალია სალომე ფრანგია და რუსული ენა არ იცის, მაგრამ მაინც ვაკელი პუტჩისტია. ვაკელ პუტჩისტს კი დღვენადელ დესტრუქციულ გოიმ ოპოზიციასთან მხოლოდ სიტუაციური კავშირი შეიძლება ჰქონდეს და არა ღირებულებითი.“ – წერს ლევან ჭოტორლიშვილი Facebook-ზე.

ავტორი:

ბოლო სიახლეები